Kveikja er stutt umfjöllun eða frumhugmynd í upphafi inngangs. Með kveikju er reynt að vekja áhuga lesandans á efni ritgerðarinnar án þess að segja of mikið. Ein til tvær málsgreinar eru við hæfi í stuttri ritgerð.
Eftirfarandi kveikja er úr ritgerð um frelsisstríðið í Norður-Ameríku sem nemendur í Garðaskóla skrifuðu.
„Frelsisstríðið er mikilvægur hluti sögu Bandaríkjanna og markaði það upphaf sjálfstæðis í nýlendu Breta sem nú heita Bandaríki Norður-Ameríku. Í kjölfarið leit nýtt stjórnarfar dagsins ljós sem líktist lítið því sem áður hafði þekkst . . .“
